*@* panandaliang pag-ibig *@*

by dhez Sun Oct 11, 2009 1:02 am

Oh, mahal! Bakit ngayon ka lang?
Hindi ko akalaing ika'y naririyan
Sana noon pa ng ako'y luhaan
At ngayo'y nalilito, di malaman ang kasagutan.

Giliw sana iyong dinggin
Tibok ng aking puso at sigaw ng damdamin
Bakit kung kailan pa na sa puso'y may umaangkin
Ang pag-ibig ko sa'yo ngayon ay kay lalim

Ika'y nagbakasakali ng ibigin ako
Hindi nasayang at ito'y lumago
Dumating ang panahong ito ay nagbago
Dahil kailangan mong lumisan sa piling ko.

Kay sakit ngayon ng aking puso
Ako'y nahumaling ng tuluyan sa iyo
'Di ko mapigilan mga luha sa pagtulo
Paano na ako/ Paano na ang puso ko?

Lumipas ang araw na ako'y tulala
At napagtantong hindi pala tama
Hindi siguro tayo para sa isa't isa
Dahil sa puso mo ay mayroong nauna.

Sa wakas mahal, ako ay panatag na
Hindi ka nakalimot sa pinagsamahang kay ganda
Naging parte ka ng buhay at aking ala-ala
Kahit " DEEP INSIDE IN MY HEART ", kalimutan kay hindi ko kaya...